Nasaan na?

Tandang-tanda ko pa yuong mga panahon na magkakasama kami. Kay tagal ng lumipas nuon. Nakapanghihinayang talaga oo. Eh, ano pa nga ba ang aking magagawa? Sa tanda kong ito...

Ok tama na, nagtutunog losyong na ako. Seryoso ang mga unang pangungusap sa talata sa itaas except sa last sentence. Pakidisregard. Hindi lolo ang nag momonologue doon. Ako iyon.

Pero bakit at para saan?

Sobrang namimiss ko ang dati-rati. Ang dating buhay sa blogworld noong ako ay nagsisimula pa lamang 10 years na ang nakalipas. Ok, sinungaling ako sa 10 years. Basta. Sige 5 years. 5 years and 1/2, 1/3, 1/4. 7 years. I-add mo na lang lahat tapos siret na.

Unti-unti na kasing nawawala ang mga bloggers na nakagisnan ko. Mga nagsipag-asawa't nagsipag-anakan na kasi. Joke lamang. Iba talaga yuong dati. May kakaibang sipa. Kung baga kahit hindi masyadong matagal ang pagsasamahan, maihahalintulad ito sa alak na fermented for mahigit 10 years. Hmmmm. Malinamnam iyon ng tunay na tunay.

Binalikan ko rin ang mga palitan ng kuro-kuro. Nagtutunog-matanda na naman ako. Comment section ika nga sa pabalbal na pananalita. Napanganga na lang ako at napapa-isip. At nakakapanghinayang na di na ata mauulit ang mga yon.

Kung baga sa mga taong may mga trabaho't asawa't anak, tila nais kong magdaos ng isang pista. In short, reunion ng mga kasabayan kong bloggers na nagsipaglisanan na sa blogosphere/blogworld/cyberspace/ o kung ano man.

Hindi naman sa sinasabi kong mas-angat ang mga dati o ayaw ko sa mga bago ngayon. Namimiss ko lang ang mga dating nagsisialisan. Ikaw? Diba nakakaramdam ka rin ng ganyan?

Two Kinds of Friends. One is the silver and the other's gold. New friends ang silver, at ang gold ay ang mga nasa baul na, este ang mga original super friends a.k.a. justice league a.k.a. trustworthy ones

Ang tanong... Bakit nagkakaroon ng chatroom sa mga blog entries?

Ay, heto pala ang tanong mga iho't mga ineng... Naniniwala ba kayong bata ako?

Ok, ito na talaga ang tanong, baka mainis na kayo... Hinahanap-hanap ninyo rin ba sila?